Meıvezer komandasynyń ókili Golovkın qalaıtyn jekpe-jekti aıtty

ASTANA. QazAqparat - Mayweather Promotions atqarýshy dırektory Leonard Ellerbe qazaqstandyq boksshy Gennadıı Golovkınge (38-0-1, 34 KO) kezekti aıqasyn kimmen ótkizýi qajet ekendigin aıtty, dep habarlaıdy Sports.kz.

«Men Gennadıı Golovkınniń Djermalla Charloǵa qarsy shyqqanyn kórgim keledi», - dep jazdy Ellerbe  tvıtterde.

Atap óter bolsaq,  amerıkalyq boksshy Djermall Charlo (27-0, 21 KO)  WBC boıynsha Golovkınmen kezdesýge mindetti úmitker bolyp tabylady.

Óziniń sáýirdegi sońǵy jekpe-jeginde ol ekinshi raýndta ózge amerıkalyq kishi Ýgo Sentenony (26-2, 14 KO) nokaýtqa jiberip jeńgen edi. Gennadıı de keshe Vanes Martırosıandy (36-4-1, 21 KO) ekinshi raýndta esinen tandyrdy.