Meıvezer Golovkınmen jekpe-jekke shyǵý úshin óz shartyn aıtty
ASTANA. QazAqparat - Ótken jyldyń qyrkúıek aıynda mansabyn aıaqtaǵanyn jarııalaǵan álemniń úzdik boksshysy Floıd Meıvezer (49-0, 26 KO) rıngke qaıta oralýy múmkin. Ol tipti kezdesýi múmkin eki qarsylasynyń esimin atady.
Olardyń biri - qazaqstandyq boksshy Gennadıı Golovkın (34-0, 31 KO). Alaıda Meıvezermen shyǵý úshin jerlesimiz Andre Ýordty jeńýi tıis, dep jazady, sports.kz.
«Men osyǵan deıin de Golovkın menimen jekpe-jekke shyǵý úshin ne isteý kerektigin aıtqan bolatynmyn. Aldymen ol Ýordty jeńsin. Sodan keıin ǵana men onymen judyryqtasýǵa daıynmyn»,- dedi Meıvezer.
Meıvezerdiń tizimindegi ekinshi boksshy - WBC boıynsha jartylaı orta salmaqtaǵy álem chempıony Dennı Garsıa (32-0, 18 KO).
«Eger men rıngke qaıta oralatyn bolsam, meni Dennı Garsııa qyzyqtyrady. Sebebi ol jeńilýdi bilmeıdi jáne tıtýlǵa ıe. Eger men onymen jekpe-jek ótkizetin bolsam ol álem chempıony bolýy tıis», - dedi Floıd Meıvezer.
