Meıvezer Golovkınmen jekpe-jekke shyǵý úshin óz shartyn aıtty
ASTANA. QazAqparat - R4R reıtıngisiniń burynǵy kóshbasshysy Floıd Meıvezer ózin aýqatty adamdar sanatyna qosqan sportqa qaıta oralǵysy kelmeıtinin aıtty, dep jazady sports.kz.
Alaıda, ol qomaqty soma tólense, rıngke qaıta shyǵýǵa ázir. Mundaı somada aqsha jınaý úshin oǵan Saýl Alvares nemese Gennadıı Golovkınmen shyǵýy qajet.
«Qazir óz babymdamyn. Eger rıngke qaıta oralǵym kelse, ol aqsha úshin emes. Alaıda qomaqty gonorardan bas tartpaımyn. Men sondyqtan da Floıd «Money» Meıvezermin», - dedi ol.
«Bul órkókirektik, bolmasa óreskeldik emes, bul meniń myqtylyǵymnyń dáleli. Ózimdi úzdik dep ataýǵa tolyq quqylymyn. Sebebi rıngke shyqqan saıyn jeńis meniki boldy», - dep qosty Meıvezer.
