Meıirjan ıÝsýpov: «QazAtomÓnerkásip» Qazaqstan AES-ine ıadrolyq otyn jetkizýshi bolýy kerek

ASTANA. KAZINFORM – «QazAtomÓnerkásip» ulttyq atom kompanııasy» aktsıonerlik qoǵamynyń basqarma tóraǵasy Meıirjan ıÝsýpov «Samuryq-Qazyna» qorynyń qoǵamdyq keńes otyrysynda «Úlbi-jylý bóletin quramalar» zaýyty shyǵaratyn ıadrolyq otyn nege Qazaqstanda salynatyn alǵashqy AES-ke jaramaıtynyn túsindirdi.

- 10-15 jyldan keıin óz AES-imizdi salsaq, «Úlbi JBQ»-da shyǵarylatyn ıadrolyq otyn oǵan jaramaı ma? Álde ondaǵy óndiristi qaıta qurylymdaısyzdar ma? - dep surady Danııar Áshimbaev.

Meıirjan ıÝsýpov Úlbi zaýytynda qazir óndiriletin ıadrolyq otyn Qazaqstan salýdy josparlap otyrǵan AES-ke shynymen de jaramsyz ekenin aıtty.

- Qazir Úlbi zaýyty shyǵaratyn jylý bóletin quramalar sertıfıkattalady. Óıtkeni kez kelgen atom stansasy otyn satyp alǵan kezde sáıkestik sertıfıkatyn suraıdy. Qytaıdyń CGN kompanııasy Úlbiniń ónimine sertıfıkat bergen. Bul frantsııalyq tehnologııa, frantsýzdar sertıfıkattap, ony qytaılyqtar maquldaǵan. Qosymsha óndiris jelisin ashý máselesine kelsek, biz jalpy aldymyzǵa jylý bóletin jıyntyq óndirisin ulǵaıtýdy maqsat qoıyp otyrmyz, - dedi ol.

Ulttyq atom kompanııasynyń basshysy Qazaqstanda salynatyn AES-ke ıadrolyq otyn shyǵarý máselesin joba avtorlarymen pysyqtaıtynyn aıtty.

- Biz ózimizdi, «QazAtomÓnerkásipti» Qazaqstan AES-ine qajet ıadrolyq otynnyń «tabıǵı jetkizýshisi» retinde kóremiz. Árıne mundaǵy tehnologııa basqa, biraq, ol basqa áńgime. Áriptesterimizben Úlbi zaýytynda qazaqstandyq AES-ke qajet jıyntyq shyǵaryp, qurastyratyndaı múmkindik bolý úshin jumys isteımiz, - dedi Meıirjan ıÝsýpov.

Buǵan deıin Atom energetıkasy jónindegi agenttik tóraǵasy Almasadam Sátqalıev Qazaqstanadǵy alǵashqy AES qurylysy qalaı júrip jatqanyn aıtqan bolatyn.