Meıirjan Shermahanbet Azıada fınalynda jeńilip, kúmisti qanaǵat tutty

Qytaıdyń Hanjchoý qalasynda ótip jatqan Azııa oıyndarynda qazaqstandyq Meıirjan Shermahanbet grek-rım kúresinen kúmis júldege ıe boldy, dep habarlaıdy QazAqparat tilshisi.

Qazaqstandyq balýan 67 kelige deıingi salmaqta fınalda japonııalyq Katsýakı Endomen kilemge shyqty.

Tartysty ótken beldesý barysynda Meıirjan medıtsınalyq kómekke de júgindi.

Aqyry 4:3 esebimen japondyq balýan jeńiske jetse, Meıirjan Shermahanbetke kúmis buıyrdy. 

Taǵy bir qazaqstandyq Aıdos Sultanǵalı 60 kelige deıingi salmaqta qola júlde úshin básekede soltústikkoreıalyq Rı Se Ýnge 1:2 esebimen jol berdi.

Eske sala keteıik, budan buryn Meıirjan Shermahanbettiń grek-rım kúresinen fınalǵa joldama alǵanyn jazǵan edik. 

Sondaı-aq boksshy Karına Ibragımova fınalǵa shyqty.