«Meıirimdi Qazaqstan» áleýmettik aktsııasyna 10 myńǵa jýyq adam qatysty
ASTANA. KAZINFORM — Qazaqstanda «Meıirimdi Qazaqstan» áleýmettik aktsııasy óz máresine jetti. Bul týraly Mádenıet jáne aqparat mınıstriniń baspasóz qyzmeti habarlady.
— Bul bastama qoǵamdaǵy qoldaý mádenıetin nyǵaıtýǵa, áleýmettik jaýapkershilikti arttyrýǵa jáne jastardy ıgi isterge tartýǵa baǵyttaldy. On kún boıy elimizdiń barlyq óńirinde jastar uıymdary men volonterler qaıyrymdylyq is-sharalaryn ótkizdi. Aktsııanyń ár kúni belgili bir taqyrypqa arnaldy, — delingen habarlamada.
Atap aıtsaq, jalǵyzbasty zeınetkerlerge kómek kórsetý, qarttar úıi men balalar úıine qoldaý bildirý, medıtsınalyq mekemelerde donorlyq aktsııalar uıymdastyrý, az qamtylǵan otbasylarǵa kómek berý, sondaı-aq kommýnaldyq qyzmet salasy qyzmetkerlerin qoldaý boıynsha jobalar júzege asty.
Buǵan deıin Astanada «Jyl volonteri» halyqaralyq syılyǵynyń laýreattary anyqtalǵanyn jazǵanbyz.