Meıirim Nursultanov WBO nusqasy boıynsha jyldyń úzdik boksshysy atandy
Jeńilip kórmegen qazaqstandyq boksshy Meıirim Nursultanov (19-0, 11 KO) Dúnıejúzilik boks uıymynyń (WBO) nusqasy boıynsha 2023 jyldyń orta salmaqtaǵy úzdik boksshysy atandy. Kazinform bul týraly Sports.kz saıtyna silteme jasap habarlaıdy.
Bul týraly Domınıkan Respýblıkasynda ótken WBO konventsııasynda aıtyldy.
Esterińizge sala keteıik, buǵan deıin Meıirimniń kelesi jekpe-jegi qazan aıyna josparlanǵany habarlanǵan bolatyn.
Al buǵan deıingi jekpe-jegi sáýir aıynda Inchhonda (Ońtústik Koreıa) ótti. Ol japondyq Kadzýto Takesakomen (16-1-1, 15 KO) jekpe-jekte merziminen buryn jeńiske jetip, WBO International tıtýlyn qorǵaǵan bolatyn.
Aıta keteıik, BoxRec.com saıtynyń nusqasy boıynsha M.Nursultanov qazaqstandyq boksshylar reıtınginde salmaq dárejesine qaramastan kósh bastap tur.
