Meıirim Nursultanovtyń kelesi qarsylasy kim bolýy múmkin

ASTANA. KAZINFORM – Orta salmaqtaǵy qazaqstandyq boksshy Meıirim Nursultanov (19-0, 11 KO) WBC uıymynyń «ýaqytsha» chempıony domınıkanalyq Karlos Adamespen (23-1, 18 KO) jekpe-jek ótkizýi múmkin. Bul týraly Boks federatsııasynyń resmı paraqshasy amerıkalyq jýrnalıst Djek Makkaferrıdiń deregine silteme jasap habarlady.

«WBC-diń qazirgi chempıony amerıkalyq Djermall Charlo (33-0, 22 KO) ekinshi orta dıvızıonda Saýl Kanelo Alvarespen (60-2-2, 39 KO) jekpe-jekti uıymdastyrady dep josparlanyp otyr. Bul úshin WBC Charlonyń chempıondyq beldigin qorǵaý úshin ótkizetin mindetti aıqasyn keıinge shegermek. Endeshe oǵan deıin Nursultanov pen Adames arasyndaǵy aıqasty ótkizý kerek», - deıdi Makkaferı.

Aıta keteıik, BoxRec portalynyń tujyrymy boıynsha Nursultanov (R4R) Qazaqstannyń eń myqty boksshylarynyń reıtinginde kósh basyna shyqty. Osylaısha, ol bul reıtıngide kóptegen jyl kósh bastap kelgen Golovkınniń ornyn basty.