Meıirlan Rahanov Aqparat komıtetiniń tóraǵasy qyzmetinen bosatyldy
ASTANA. KAZINFORM – Bul týraly Úkimettiń baspasóz qyzmeti habarlady.
– Qazaqstan Respýblıkasy Mádenıet jáne aqparat mınıstriniń buıryǵymen Meıirlan Aqylbekuly Rahanov Aqparat komıtetiniń tóraǵasy qyzmetinen bosatyldy, - delingen habarlamada.
Meıirlan Rahanov 1988 jyly Qaraǵandy oblysynda dúnıege kelgen. Qaztutynýodaǵy Qaraǵandy ekonomıkalyq ýnıversıtetin bitirgen.
Eńbek jolyn 2011 jyly Qaraǵandy ákimdiginiń ishki saıasat basqarmasynda bastaǵan.
2012 jyly Qaraǵandy oblysy boıynsha salyq basqarmasynda jetekshi maman bolyp jumys istedi.
2012-2013 jyldar aralyǵynda Qaraǵandy oblysy ákimdiginiń ishki saıasat basqarmasynyń bas mamany qyzmetin atqarǵan.
2013-2016 jyldary – Aqparat komıtetiniń baspa BAQ bóliminiń sarapshysy, bas sarapshysy.
2016-2021 jyldary – Qazaqstan Respýblıkasy Prezıdentiniń baspasóz qyzmetiniń sarapshysy, keńesshisi, ınspektory.
2021 jylǵy shildeden 2023 jylǵy jeltoqsanǵa deıin Qazaqstan Respýblıkasy Prezıdentiniń baspasóz qyzmeti sektorynyń meńgerýshisi boldy.
Eske sala keteıik, buǵan deıin Abaı oblysy Jańasemeı aýdanynyń ákimi aýysqanyn habarlaǵan edik.