Meıramhanalarda mektep bitirý keshterin uıymdastyrýǵa tyıym salyndy – Úkimet otyrysy
ASTANA. KAZINFORM – 11-synyp túlekterine attestattardy saltanatty tabystaý rásimi 17–18 maýsymda ótedi. Bul týraly Úkimet otyrysynda QR Oqý-aǵartý mınıstri Juldyz Súleımenova málim etti.
- Aldaǵy ýaqytta - 29 mamyr men 15 maýsym aralyǵynda 9 jáne 11-synyp bitirýshileriniń qorytyndy attestattaýy ótedi. Emtıhandardyń ashyqtyǵy men akademııalyq adaldyǵyn qamtamasyz etý maqsatynda materıaldar bilim berý uıymdaryna tikeleı emtıhan kúni joldanady, - dedi J. Súleımenova.
Sonymen qatar ol 11-synyp túlekterine attestattardy saltanatty tabystaý rásimi 17–18 maýsym kúnderine josparlanǵanyn aıtty. Іs-sharalardy tek bilim berý uıymdarynyń bazasynda ótkizý tapsyryldy.
- Meıramhanalarda, kafelerde, banket zaldarynda mektep bitirý keshterin uıymdastyrýǵa jáne zańsyz qarajat jınaýǵa tyıym salyndy. Osyǵan baılanysty Oqý-aǵartý mınıstrligi men jergilikti atqarýshy organdardyń birlesken buıryǵy qabyldandy. Ákimdikter bul máseleni ishki ister organdarymen birlesip qatań baqylaýda ustaýy ózekti, - dedi mınıstr.
Aıta keteıik, 25 mamyrda el mektepterinde 2025-2026 oqý jyly aıaqtaldy.
