Meıramhana satyp almaq bolǵan óskemendik alaıaqqa 135 mln teńge bergen

ÓSKEMEN. QazAqparat – Óskemen qalasynda meıramhana satyp almaq bolǵan kásipker 135 mln teńgesinen aıyryldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, polıtsııaǵa habarlasqan kásipker meıramhana satyp alamyn dep alaıaqqa aldanyp qalǵanyn jetkizdi. Ol ózin jyljymaıtyn múlik ıesi retinde tanystyrǵan áıelge 135 500 000 teńge bergen.

«Áıel adamǵa qatysty QR Qylmystyq Kodeksiniń 190-baby 4-bóliginiń 2-tarmaǵyna sáıkes is qozǵaldy. Sotqa deıingi tergeý amaldary barysynda kúdiktiniń kinásin dáleldeıtin bultartpas faktiler tabyldy. Tergeý aıaqtalǵan soń is sotqa jiberildi», - dep habarlady vedomstvo ókilderi.

Óskemen qalalyq №2 sotynyń úkimimen aıyptalýshy 5 jylǵa bas bostandyǵynan aıyryldy. Apellıatsııalyq ınstantsııa qaýlyny esh ózgerissiz qaldyrdy.