Meıramhana men dámhanalardyń qashan ashylary belgisiz - Tımýr Sultanǵazıev
NUR-SULTAN. QazAqparat – Jazda meıramhanalardyń ashýly máselesi ázirge ózekti emes. Bul týraly Ortalyq kommýnıkatsııalar qyzmetinde ótken eldegi koronavırýstyq ınfektsııa boıynsha aǵymdaǵy jaǵdaı, sonymen qatar Qazaqstandaǵy vaktsınalardyń sapasy men satyp alýlary týraly brıfıngte aıtyldy, dep habarlaıdy QazAqparat tilshisi.
«Ázirge jazda meıramhanalardyń ashylý-ashylmaý máselesi óte ózekti emes. Qazirgi ýaqytta epıdemıologııalyq jaǵdaıǵa qaraý kerek. Jaqyn arada meıramhana men dámhanalardy ashý usynylmaıdy», - deıdi QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev.
Eske sala ketsek, buǵan deıin elimizdegi óńirlerge jol qashan ashylatyny týraly jazǵan bolatynbyz. Komıtet tóraǵasynyń aıtýynsha, barlyq baǵytqa joldyń ashylýy karantın talabyn qalaı saqtaǵanymyzǵa jáne onyń nátıjesi qalaı bolatyndyǵyna baılanysty.
