Meıramhana ıesi týysynyń qolynan mert boldy

ASTANA. 20 jeltoqsan. QazAqparat - Semeı qalasyndaǵy meıramhanalardyń biriniń ıesi 1,5 mln. teńge úshin óz abysyny men onyń sybaılasynyń qolynan qaza boldy, dep habarlady 24.kz.

Bul jaıynda Semeı qalalyq ishki ister basqarmasynda ótken baspasóz máslıhatynda aıtyldy. Qylmyskerler Olga Iskakova esimdi kásipkerdi óz páterinde óltirgen soń, máıitti qaladan 45 shaqyrym jerge aparyp órtep jibergen. 10 jeltoqsan kúni polıtsııa bólimine Olga Iskakovanyń joǵalǵany týraly aryzdy abysyny ózi alyp keldi. 2 kúnnen keıin qala syrtynda jatqan máıitti júk kóliginiń júrgizýshisi kezdeısoq kórip qalǵan. Jedel izdestirý sharalary barysynda Olga Iskakovanyń ólimine onyń abysynynyń qatysy bar ekendigi anyqtaldy. Kúdikti sybaılasymen birge óz týysyn óltirip, 1,5 mln. teńgeni ıemdenbek bolǵan eken.

«Bul azamattardyń ústinen QR QK 96-babynyń 2-tarmaǵy, ıaǵnı qasaqana kisi óltirý boıynsha qylmystyq is qozǵaldy. Olar 10-15 jyl bas bostandyǵynan aıyrylýy múmkin», - dedi qalalyq ІІB memlekettik til jáne aqparat bóliminiń basshysy Elýbek Ospanov.