Meıramhana ıesi Obamanyń kelýinen keıin kóz jumdy
ASTANA. 7 shilde. QazAqparat - AQSh-ta meıramhananyń 70 jastaǵy ıesi Djozefın Harrıs onyń mekemesine el prezıdenti Barak Obamanyń tańerteńgi asqa kelýinen keıin kóz jumdy, dep habarlaıdy Ýtro.rý.
Harrıs Ogaıo shtatyndaǵy Akron qalasynda ornalasqan Ann's Place mekemesiniń aldynda Obamany jeke qarsy aldy. Prezıdent eki jumyrtqadan turatyn ýyzdyq, bekon, bıdaı nanynan pisirilgen tosttarǵa jáne untaqtalǵan júgeriden jasalǵan botqaǵa tapsyrys jasady. Asyn iship bolǵan Obama meıramhana ıesine alǵysyn bildirdi. Kýágerlerdiń aıtýynsha, áıel Prezıdentti qushaqtady. Onyń sol kezde qatty abyrjyp turǵany atap ótiledi.
Birneshe saǵattan keıin Harrıs keýdesiniń aýyrǵany men sharshaǵandyǵyna shaǵymdandy. Keıinirek ol jansaqtaý bóliminde kóz jumdy. Aldyn ala málimetter boıynsha, onyń ólimine júrek sebep ustamasy boldy. Aq úıdiń baspasóz hatshysy Djeı Karnı Obamanyń Harrıstiń qyzyna telefonmen habarlasyp, kóńil aıtqanyn habarlady.
B.Obama Akronǵa óziniń saılaýaldy saparynyń aıasynda bardy.
