Meıramhana ıelerine temekige qarsy zańnamany oryndattyrý muń bolyp tur
ASTANA. 31 mamyr. QazAqparat - Dúkender men meıramhanalar temekige qarsy zańnamany belshesinen basýda.
Bul týraly búgin Astanada QR Densaýlyq saqtaý vıtse-mınıstri Erık Baıjúnisovtyń tóraǵalyǵymen ótken Shylym shegýge qarsy halyqaralyq kúnine arnalǵan qoǵamdyq keńestiń otyrysynda «Temeki tútininen ada Qazaqstan úshin» ulttyq koalıtsııasynyń tóraǵasy Jámıla Sadyqova málim etti.
J. Sadyqovanyń aıtýynsha, qazirgi ýaqytta keıbir kásipkerlerge shylym shegýge qarsy QR zańnamasyn oryndatýdyń ózi muń bolyp tur.
«Satý oryndarynda temekini kámelettik jasqa tolmaǵandarǵa satpaý týraly eskertýler ilinbeıdi. 10 dúkenniń ishinde tek qana ekeýi eskertý ilip qoıady. Meıramhana ıeleri qoǵamdyq oryndarda shylym shegý zańnamasyn oryndamaýda. Olar «temeki shegýge arnalǵan oryn» retinde shylym shegetinderge arnalǵan tutas zaldar ashyp tastaǵan. Ózderiniń aýmaqtarynda temeki jarnamalaryn ashyqtan-ashyq ilip qoıady. Zańdy jıi buzatyndardyń kósh basynda Almatydaǵy meıramhanalarynyń ıeleri tur», - deıdi ol.
