Meıramhana ıeleri de memleketten nesıe alyp, bıznesin qalpyna keltire alady
«Álbette, elde tótenshe jaǵdaıdyń engizilýine baılanysty shyǵynǵa ushyraǵan salalardyń alǵashqy leginde meıramhanalar bıznesi de tur. Olar úshin óz jumysyn qaıta qalpyna keltirý de qıyndyq týǵyzary sózsiz. Sebebi ol – adamdar jınalatyn oryn. Al qazir bári de sanıtarlyq talaptardy saqtaýǵa mindetti. ıAǵnı meıramhanaǵa baryp otyrýdyń ózinen adamdarda psıhologııalyq úreı qalyptasyp qaldy. Sol sebepti meniń oıymsha adamdar burynǵysha meıramhanaǵa jappaı jınalmaıtyn sekildi. Bárine daıyn bolý kerek. Dál osy kezde onlaın amal-ádisterdi meńgergen durys», - dedi Abylaı Myrzahmetov Ulttyq kásipkerler palatasynyń Facebook paraqshasynda onlaın rejımde sóılegen sózinde.
Palata basshysy sonymen qatar bıznestiń osy salasyndaǵy ókilderine arnaıy nesıe berý týraly usynysqa qatysty oıyn bildirdi.
«Meıramhanalar úshin arnaıy nesıe jelisi joq. Alaıda «Bıznestiń jol kartasy» baǵdarlamasymen shekteýlerdiń báriniń alynyp tastalǵanyn eskerý kerek. ıAǵnı ol jerden 6 paıyzben nesıe ala alasyz. Meıramhanalarǵa da memlekettiń dál osy qoldaýyn alýǵa múmkindik bar. Biraq olar «Qarapaıym zattar ekonomıkasy» baǵdarlamasyna qatysa almaıdy. Ol basqa salalardy kózdeıdi», - dedi ol.
Eske sala ketsek, QR Prezıdenti Qasym-Jomart Toqaev tótenshe jaǵdaı rejımin bıylǵy 11 mamyrǵa deıin uzartý jóninde sheshim qabyldady. Bul týraly Memleket basshysy búgingi málimdemesinde aıtqan bolatyn.