Meırambek Bespaev pen Aıgúl Úlkenbaeva Astanadaǵy aýqymdy shoýda óner kórsetedi

ASTANA. QazAqparat - 1 shilde kúni Astanada ótetin «Ulttyq dombyra kúninde» ónersúıer qaýym Seken Turysbek, Bekbolat Tileýhan, Meırambek Besbaev, Asylbek Ensepov, Aıgúl Úlkenbaeva syndy tanymal ánshilerdiń ónerine tánti bolady, dep habarlaıdy QazAqparat Feısbýktegi «Astana» paraqshasyna silteme jasap.

Ulttyq dombyra merekesinde Qazaq dalasynyń eń tanymal kúıleri oınalady. Aıtýly shoýǵa óner juldyzdarymen bir sahnada qatysýdy qalaıtyndar www.asyldombyra.kz saıtynda onlaın tirkelip, qatysý sharttary týraly aqparatpen tanysýy tıis.

«1 shilde kúni 12:00-de «Qazaq Eli» monýmentiniń aldyndaǵy alańda elorda áýenin birge shyrqaıyq! Tolyq aqparatty www.asyldombyra.kz saıtynan alýǵa bolady, sondaı-aq Instagramdaǵy @asyldombyra.kz paraqshasyndaǵy jańalyqtarǵa qulaq túre júrińizder», - dep habarlaıdy sharany uıymdastyrýshylar.

Osy kúni «MuzArt», «Asyl» toptary, Asylbek Eńsepov sekildi kóptegen qazaqstandyq juldyzdardyń qatysýymen merekelik kontsert uıymdastyrylady. Alańda boı kótergen etno-aýyldyń qaq ortasynda dombyra mýzeıi, al qalǵan kıiz úılerde qazaqtyń halyq aspaptarynyń mýzeıleri ornalasady. Sharaǵa kelýshilerdi qolóner sheberleriniń kıiz úıleri qonaq qylady, onda mýzykalyq aspaptardyń daıyndalý protsesi men tehnologııalaryn kórýge bolady.

Merekege qatysýǵa barsha qaýym shaqyrylady.

Jappaı dombyra tartýǵa qatysý úshin: «Kóńil ashar», «Adaı», «Balbyraýyn», «Erke Sylqym», «Sary-Arqa» kúılerin bilý jáne tirkeýden ótý qajet.

Daıyndyq 30 maýsym kúni 12:00-de bolady. Oǵan qatysý mindetti. Repetıtsııada qatysýshylarǵa qosymsha aqparattar berilip, arnaıy beıdjıkter taratylady.