Meırambek Besbaev ártister arasynda fýtboldan álem chempıonatyna qatysýda
ASTANA. QazAqparat - Ártisterden quralǵan Qazaqstan fýtbol komandasy álem chempıonaty - «Art-fýtbol» festıvaline qatysýda. Birinshi matchta qazaqstandyqtar Gollandııa komandasyna ese jiberdi, - dep habarlady Vesti.kz.
Alǵashqy kezdesýde qazaqstandyqtar gollandııalyqtarǵa 1:2 esebimen ese jiberdi. Otandyq ártisterdiń arasynda qarsylastardyń qaqpasyna jalǵyz dopty darytqan Sultan Kúntýǵan boldy. Basqa matchtarda Reseı Estonııany 2:0 esebimen utty. Ekinshi oıynda Qazaqstan Reseımen, al Gollandııa Estonııamen kezdesedi.
Bul jarysqa álemniń 16 komandasy qatysýda. Olar tórt topqa bólingen. Ereje boıynsha, árbir komanda ártisterden basqa 35-ten jas emes eki kásibı fýtbolıst pen bir tanymal sportshyny (fýtbolıst emes) qatystyra alady.
Otandyq estarada juldyzdarynan quralǵan Qazaqstan quramasynyń quramy:
Qaqpashylar: Abdýlkárim Kárimov (ánshi), Aqylbek Dosjanov (prodıýser);
Qorǵaýshylar: Erlan Álimov (ánshi), Mels Saǵatuly (ánshi), Abaı Jansarbaev (ánshi), Medet Kejekbaev (ánshi), Janaı Ǵadilbek (ánshi), Qazybek Qojahmetov (ánshi), Kenjebek Janábilov (ánshi), Arman Qońyrbaev (ánshi), Marat Esmuratov (burynǵy fýtolıst);
Jartylaı qorǵaýshylar: Batyr Baınazarov (ánshi), Sultan Kúntýǵan (ánshi), Ǵalymjan Arystanbekuly (prodıýser), Aıan Birbaev (ánshi), Jubanysh Jeksenuly (ánshi), Ádiljan Omarov (ánshi), Seıitjan Dáýren (ánshi), Dılen (ánshi), Іlııas Harov (ánshi);
Shabýyldaýshylar: Muqasan Shahzadaev (ánshi), Rysbek Atashev (ánshi), Sáken Maıǵazıev (ánshi), Meırambek Besbaev (ánshi).
