Meırambek Aınaǵulov jartylaı fınalda utyldy
NUR-SULTAN. QazAqparat – Elordada kúres túrlerinen ótip jatqan álem chempıonatynda Meırambek Aınaǵulov jartylaı fınalda súrindi, dep habarlaıdy QazAqparat tilshisi.
60 keli salmaq sanatynda boz kilemge shyqqan qazaq palýany buǵan deıin Brazılııa atynan synǵa túsip júrgen burynǵy otandasymyz Marat Garıpovty 2 mınýttyń ishinde jeńip, al shırek fınalda horvattyq Ivan Lızatovty 10-0 esebimen utqan bolatyn. Al jartylaı jınalda Meırambek reseılik álem chempıony Sergeı Emelınnen 8-0 esebimen utylyp qaldy. Degenmen, Meırambek 2020 jyly Tokıoda ótetin Olımpıada oıyndaryna lıtsenzııa jeńip aldy.
Buǵan deıin 77 kelide Ashat Dilmuhamedov Olımpıada joldamasyn ıelengen bolatyn.
Esterińizge sala keteıik, Astanada ótip jatqan kúres túrlerinen álem chempıonatandy balýandar júldeli oryndarmen qatar kelesi jyly ótetin 2020 Tokıo olımpıadasyna joldamalardy da sarapqa salady. Astanada sportshylarǵa 108 Olımpıadalyq joldama úlestiriledi. Joldama 1-den 5-orynǵa ıe bolǵan balýandarǵa beriledi. Birinshilik 22 qyrkúıekke deıin jalǵasady.
