Meıram Meńdibaev SQO Aıyrtaý aýdanyna ákim bolyp taǵaıyndaldy
PETROPAVL. KAZINFORM – QR Prezıdenti Ákimshiliginiń jáne aýdandyq máslıhat depýtattarynyń kelisimimen, Soltústik Qazaqstan oblysy ákiminiń ókimimen Meıram Meńdibaev Aıyrtaý aýdanynyń ákimi bolyp taǵaıyndaldy.
Meıram Meńdibaev 1971 jyly SQO M.Jumabaev aýdanynda týǵan.
Petropavl esep-ekonomıkalyq tehnıkýmyn «Tehnık-qurylysshy», Kókshetaý ýnıversıtetin «ıÝrısprýdentsııa» jáne Soltústik Qazaqstan kásiptik-pedagogıkalyq kolledjin «Jerge ornalastyrýshy» mamandyǵy boıynsha bitirgen.
Eńbek jolyn 1991 jyly SQO burynǵy Býlaev aýdany «Qazaqstanǵa 40 jyl» keńsharynyń qurylys bóliminiń aǵash ustasy bolyp bastaǵan.
Keıin Býlaev aýdany ákimi apparatynyń aýdandyq sáýletshisi, Býlaev qalasy ákimi apparatynyń bas mamany, SQO jer resýrstaryn basqarý komıtetiniń bas mamany, M.Jumabaev aýdany jer qatynastary bóliminiń bastyǵy, Petropavl qalalyq jer qatynastary bólimi bastyǵynyń orynbasary, SQO jer ınspektsııasy basqarmasynyń basshysy bolyp eńbek etti.
2018-2021 jyldary Astanada QR Aýyl sharýashylyǵy mınıstrligi jer resýrstaryn basqarý komıtetiniń jerdi paıdalaný men qorǵaýdy, geodezııalyq qyzmetti memlekettik baqylaý basqarmasynyń basshysy boldy.
Osy taǵaıyndaýǵa deıin SQO ákimdiginiń aýyl sharýashylyǵy basqarmasynyń basshysy boldy.
Buǵan deıin SQO boıynsha ekologııa departamentine Talǵat Sábıevtiń basshy bolyp taǵaıyndalǵanyn jazǵan edik.
