Meıram kúnderi 3 jasóspirim sýǵa batyp ketti
NUR-SULTAN. QazAqparat - Sýǵa shomylý maýsymy bastalmaı jatyp-aq sý qoımalarynda jasóspirimderdiń ólimi tirkelip jatyr. Ótken mereke kúnderinde ǵana úsh jasópirim sýǵa batyp ketti, dep habarlaıdy QazAqparat tilshisi.
QR ІІM Tótenshe jaǵdaılar komıtetiniń resmı ókili Nursultan Nurahmettiń aıtýynsha, 9 mamyr kúni Qyzylorda oblysynda Jańaqorǵan aýdanynyń Birlik aýylyna jaqyn jerdegi Shuqyrsaı kólinen jergilikti turǵyndar 1999 jyly dúnıege kelgen jasóspirimniń múrdesin alyp shyqty. 11 mamyrda Qyzylorda qalasyna taqaý jerdegi Qaraózek arnasyna sýǵa túsken 14 jastaǵy bala batyp ketti. Onyń múrdesin QR ІІM TJK Ońtústik óńirlik aeromobıldi jedel-qutqarý otrıadynyń mamandary sýdan alyp shyqty.
«11 mamyrda Almaty oblysynyń Talǵar aýdanynda Talǵar ózenine sýǵa túsken 2003 jyly dúnıege kelgen jasóspirim batyp ketti. Jasóspirimniń múrdesin QR ІІM TJK Respýblıkalyq jedel qutqarý jasaǵynyń mamandary shyǵaryp aldy. Sýǵa batyp ketken jasóspirimderdiń barlyǵy sýǵa túsýge arnalyp jabdyqtalmaǵan jerde shomylǵan. Ondaı jerde sýǵa túsýge qatań tyıym salynady», - dedi N.Nurahmet.
