Meıram Qajyken saılaýaldy baǵdarlamasy týraly: Kásipodaqtar myqty bolýy kerek!
Qurmetti otandastar! Bul – meniń saılaýaldy baǵdarlamamnyń qysqasha mazmuny. Ol barlyq qazaqstandyqtardyń ál-aýqatyn jaqsartyp, arttyratyn aýqymdy áleýmettik, ekonomıkalyq jáne saıası reformalarǵa baǵyttalǵan.
Baǵdarlama maqsaty – barshaǵa teń múmkindik berý
«Igilik túbi – yntymaq. Meniń saılaýaldy baǵdarlamamnyń da maqsaty osyǵan negizdeledi. ıAkı, adamdarǵa teńdeı múmkindik berýge, onda da qabiletterdi damytý jáne ony iske asyrýǵa basymdyq beriledi. Ásirese, jastarǵa erekshe kóńil bólinedi. Olar úshin basty qundylyq – Adam bostandyǵy, qadir-qasıeti men ál-aýqaty bolyp tabylatyn zamanaýı qoǵam qurý mańyzdy», - deıdi Meıram Qajyken.
Sondaı-aq, onyń aıtýynsha, bul degenimiz – Birtutas Qazaqstan halqyn qalyptastyratyn túrli etnostardyń mádenı dástúrleriniń úılesimdi damýy. Mádenıet arqyly qoǵamǵa toleranttylyq pen patrıotızmdi dáripteý.
Sapaly bilimge teńdeı qoljetimdilikke kepildik beriledi
Oqyǵan adam – ózgeris faktory. Qazirgi zaman adamynyń qalyptasý barysy barlyq deńgeıdegi bilim berý sapasyn arttyrýdy talap etedi. Adamnyń negizgi fýnktsııasy – oqý. Taǵy bir qyzmeti – qabiletterdi damytý, ómir boıy kásibı quzyrettilikterdi qalyptastyrý.
«Sapaly bilimge teńdeı qoljetimdilikke kepildik beriledi. Osyǵan baılanysty birqatar sharalar qolǵa alynýy tıis. Mysaly, bilim berý sapasyn arttyrý. Mektepterdi qarapaıym jáne elıtalyq dep bólýdi doǵarý. Mektep muǵalimderin daıarlaýǵa erekshe nazar aýdarý. Joǵary jáne joǵary oqý ornynan keıingi bilimge kelsek, ol aıtarlyqtaı jańǵyrtylyp, jańalanatyn bolady. JOO-larda aqyly jáne tegin bilim berý arasyndaǵy ońtaıly araqatynasty qamtamasyz etý kerek», - deıdi Qajyken.
Quqyqtyq memleket – barshanyń zań aldynda birdeı bolýy
«Quqyqtyq memleket degen memlekettik bılik organdarynyń zań normalaryn qaltqysyz oryndaýyn bildiredi. Quqyqtyq memleket – barshanyń zań aldynda birdeı bolýy. Bul baǵyttaǵy reformalardyń biri sheshimder qabyldaý jáne olardy oryndaýshy bılik tarmaqtaryn qysqartý bolyp tabylady. Al bul memlekettik basqarýdy barynsha ortalyqsyzdandyrý degendi bildiredi. Ortalyq deńgeıdegi uıymdardyń fýnktsııalary edáýir qysqarady, aımaqtyq deńgeıdegi memlekettik basqarý júıesi damıdy. Ákimderdiń óz betinshe sheshim qabyldaý quqyǵy keńeıtiledi. Myqty aımaqtar – myqty respýblıka», - deıdi ol.
Memlekettik basqarýdy ortalyqsyzdandyrý ákimderdi halyq ózi saılaı bastaǵan kezde ǵana qajetti nátıjege ıe bolady. Bul azamattardyń ómirdegi mańyzdy sheshimderdi qabyldaýǵa at salysýyn qamtamasyz etedi. Mundaıda jergilikti atqarýshy bıliktiń halyq aldynda esep berý deńgeıi artady. Osymen qatar, bir mezette bıliktiń taǵy bir tarmaǵy da reformalanatyn bolady.
«Quqyqtyq tártip azamattardyń zańǵa baǵynýyna negizdeledi. Ol zańdylyqty qamtamasyz etýdi qyzmettik paryzy dep sanaıtyn adamdardan bastaý alady. Quqyq qorǵaý organdary qyzmetiniń zańdylyǵy men barynsha ashyqtyǵy, sot bıliginiń táýelsizdigi, memlekettik qyzmetkerlerdiń zańdardy buzý faktileriniń jarııalylyǵy qamtamasyz etiletinine ýáde beremin. Sondaı-aq, sybaılas jemqorlyqqa qarsy kúres kúsheıtilip, jazadan jaltarýǵa jol berilmeıtindigin jaýapkershilikpen málimdeımin», - dedi Meıram Qajyken.
Kásipodaqtar – eńbek adamynyń múddesin tanyta otyryp, saıası sheshimder qabyldaýǵa tartylady
Sondaı-aq, Meıram Qajyken elimizde myqty kásipodaqtar qurý qajet ekenin aıtady.
«Kásipodaqtar – azamattyq qoǵamnyń eń úlken bóligi. Táýelsiz myqty kásipodaqtar qurý úshin jaǵdaılar jasalatyn bolady. Olar Eńbek adamy múddesin tanytatyn qoǵamdyq uıymdar retinde saıası sheshimder qabyldaýǵa tartylady. Kásipkerliktiń damýyna naqty yqpal ete alatyn salalyq jáne ulttyq deńgeıdegi kásipkerler uıymdaryn qurý úshin jaǵdaılar jasalatyn bolady. Kásipkerler ekonomıkanyń jańa zamanaýı modelin qurýǵa at salysady. Ol arada olıgarhtar men olıgopolııalarǵa oryn joq. Áleýmettik áriptestik ınstıtýty damıdy. Taraptar dıalogin qoldaný aıasyn keńeıtýdi kózdeıtin «Áleýmettik áriptestik týraly «zań qabyldanady», - deıdi Meıram Qajyken.
Áleýmettik saıasat: áleýmettik standarttar, ulttyq eńbekaqy tólem júıesi, zeınetkerlik jas jaıly
Áleýmettik saıasattyń negizgi qaǵıdasy – Adamnyń jáne onyń otbasynyń laıyqty ómir súrý deńgeıin qamtamasyz etý. Otbasy qoǵamnyń basty bólshegi retinde qajetti jáne jetkilikti deńgeıde jan-jaqty damýǵa qol jetkizýi úshin áleýmettik jaǵynan tolyqtaı qamsyzdandyrylady. Baspana satyp alýǵa aqshasy jetpeıtin otbasylarǵa áleýmettik páter beriledi dep sendiredi ol.
«Eń tómengi memlekettik áleýmettik standarttar men áleýmettik qamsyzdandyrý normalary kezeń-kezeńmen kóteriledi. Atap aıtsaq, eń mańyzdy áleýmettik standart – eń tómengi jalaqy mólsheri. Onyń jyl saıynǵy mólsheri, esepteý men ındeksteý ádisi zańnamalyq turǵyda bekitiletin bolady. Ulttyq eńbekaqy tóleý júıesin reformalaý júzege asyrylady. Ol úshin tıisti zańnamalar ázirlenip, qabyldanady», - deıdi ol.
QR Prezıdenttigine úmitker M. Z. Qajykenniń saılaý qorynyń qarajatynan tólendi
Fotony Qazaqstan Respýblıkasy Prezıdenttigine úmitker Qajyken Meıram Zekeshulynyń shtaby usyndy.
