Meıir Rahmetqalıev arqan tartystan Qazaqstanǵa úshinshi altyn ákeldi
ASTANA. KAZINFORM — VI Dúnıejúzilik kóshpendiler oıyndarynda Qazaqstan quramasy arqan tartystan úshinshi altyn júldeni jeńip aldy, dep habarlaıdy QR Sport komıtetiniń baspasóz qyzmeti.
— 1×1 dıstsıplınasynda Meıir Rahmetqalıev qarsylastarynan basym túsip, altyn júldeger atandy. Osylaısha, qazaqstandyq arqan tartýshylar barlyq 8×8, 4×4 jáne 1×1 dıstsıplınalarynda top jaryp, el qorjynyna qatarynan úsh altyn medal saldy, — delingen komıtet taratqan aqparatta.
Osyǵan deıin Dúnıejúzilik kóshpendiler oıyndarynda el quramasy arqan tartystan qos altyn enshilegenin jazǵanbyz.
