Meıirjan Tórebaev pen Meıirhan Shernııazov taǵy eki aı qamaýda otyrady

ALMATY. QazAqparat - Almatyda Mudarabah Capital qarjy pıramıdasy boıynsha vaınerler Meıirjan Tórebaev pen Meıirhan Shernııazovty qamaý merzimi taǵy eki aıǵa uzartyldy, dep habarlaıdy QazAqparat tilshisi.

«Tergeý sotynyń 18 maýsymdaǵy qaýlysymen sotqa deıingi tergeý organdarynyń ótinishi qanaǵattandyryldy. M. Tórebaev pen M. Shernııazovqa qatysty kúzetpen ustaý túrindegi bultartpaý sharasy 2 aıǵa uzartyldy», - dep habarlady qalalyq sottyń baspasóz qyzmeti.

Eske sala keteıik, Almatyda «Mudarabah Capital» qarjy pıramıdasynyń tórt uıymdastyrýshysy qamalǵanyn jazǵan bolatynbyz.

Keıin tanymal vaınerler Meıirjan Tórebaev pen Meıirhan Shernııazov 10 táýlikke qamaýǵa alyndy.

Atalǵan tulǵalar QR Qylmystyq kodeksiniń 217-baby 3-bóligi boıynsha Almaty qalalyq polıtsııa departamenti tergeý basqarmasy tergep jatqan qylmystyq is boıynsha kúdikti retinde tanylǵan edi.

Aıta keteıik, atalǵan iske qatysy bar degen kúdikpen tanymal vaınerler Meıirjan Tórebaev pen Meıirhan Shernııazov ustalǵan bolatyn.

Keıin tergeý soty ekeýine qatysty «kepilmen bosatý» túrindegi bultartpaý sharasyn sanktsııalady.

Úshinshi kúdikti – taǵy bir tanymal vaıner Azımjan Saıdbaevqa izdeý jarııalandy.

15 sáýir kúni QR Bas prokýrorynyń orynbasary Áset Shyndalıev qarjy pıramıdasyn qurý isi boıynsha tergeý aıaqtalǵanyn málim etken edi.