Meıirimdi aıý qarǵany ajaldan qutqardy
ASTANA. QazAqparat - Janýarlar da keıde júrek jylytatyn márttik áreketterge bara alady eken. Býdapeshttegi haıýanattar baǵynda aıý toǵannan qarǵany alyp shyǵyp, ólimnen qutqardy.
Qustyń toǵanǵa qalaı túsip ketkeni belgisiz, haıýanattar baǵyna kelýshi qutqarý barysyn beınejazbaǵa túsirip úlgergen. Sýda alsurǵan qusty aıý tisimen qurǵaq jerge alyp shyǵady.
Brıtandyq Independent basylymynyń jýrnalısteri YouTube-de beıntaspany kórip: «Bálkim, biz óz qulqynyn oılaǵan aıýdy baqylap turǵan shyǵarmyz. Biraq bul qarǵaǵa jany ashyǵan álemdegi eń meıirimdi aıý dep jaqsylyqqa joryǵanymyz jón bolar», dep atap ótedi.
Shynymen de qarǵany sýdan alyp shyqqan aıý oǵan esh qyzyǵýshylyq tanytpaı, túski asyn jeýdi jalǵastyra bergen. Al eseńgirep qalǵan qarǵa aıaǵynan tik tursa da, aıýdyń torynan ushyp ketýge asyqpady.
Beınejazbada onyń bıylǵy 19 maýsymda túsirilgeni kórsetilgen. Sodan beri ony 400 myń ǵalamtor paıdalanýshysy tamashalaǵan.
