Meıirim Nursultanov WBO tıtýly úshin jekpe-jek aldynda salmaq ólsheý rásiminen ótti.

ASTANA. QazAqparat - Qazaqstandyq boksshy Meıirim Nursultanov (18-0, 10 KO) erteń, 15 cáýirde kezekti jekpe-jegin ótkizedi, dep habarlaıdy QazAqparat Sports.kz portalyna silteme jasap.

Ol Inchhondaǵy (Ońtústik Koreıa) boks keshiniń basty kezdesýinde sharshy alańǵa shyǵyp, jeńilip kórmegen japondyq Kadzýto Takesakomen (15-0, 14 KO) judyryqtasady. Qos boksshy Nursultanovtyń WBO International tujyrymy boıynsha orta salmaqtaǵy tıtýly úshin kúsh synasady.
Jekpe-jek aldynda eki qarsylas salmaq ólsheý rásiminen ótip, orta salmaqtaǵy shekti (72,57 keli) baǵyndyrdy.
M.Nursultanov buǵan deıingi kezdesýin 2022 jyldyń qazanynda Lıýblınde (Polsha) argentınalyq Marselo Esteban Kosereske (31-5-1, 17 KO) qarsy ótkizip, jeńiske jetken bolatyn.
Al Takesakoǵa kelsek, ol qarasha aıynda Tokıoda ótken judyryqtasýda ońtústikkoreıalyq Gıýn Mo ıÝny (8-8-3, 1 KO) úshinshi raýndta nokaýtqa túsirgen edi.