Meıirim Nursultanov Kovalev pen Shabranskıı anderkartynda judyryqtasady
ASTANA. QazAqparat - Qazaqstandyq kásipqoı boksshy Meıirim Nursultanov (4-0, 3 KO) kezekti jekpe-jegin AQSh-tyń Nıý-Iork qalasynda ótkizedi, dep habarlaıdy QazAqparat.
BoxRec portalynyń aqparatyna qaraǵanda, aıtýly boks keshi 25 qarashada aty álemge tanymal «Medıson Skver Garden» arenasynda ótedi dep josparlanǵan. Keshtiń basty jekpe-jegi reseılik boksshy Sergeı Kovalev (30-2-1, 26 KO) pen ýkraınalyq Vıacheslav Shabranskıı (19-1, 16 KO) arasynda ótkizilip, otandasymyzda sharshy alańda óner kórsetetin bolady. Alaıda, Meıirimniń qarsylasy áli anyqtalaǵan joq.
Aıta keteıik, Meıirim sońǵy jekpe-jegin EKSPO aıasynda ótkizilgen Qanat Islam jáne Brendon Kýk jekpe-jegi anderkartynda ótkizip, brazılııalyq boksshy Ismael Býenony (15-6-0, 10 KO) birinshi raýndta rıngtiń syrtyna shyǵaryp jibergen edi.
