Meıirim Nursultanov Kanelo-Kovalev aıqasynyń anderkartynda jekpe-jekke shyǵady

NUR-SULTAN. QazAqparat – Qazaqstandyq kásipqoı boksshy Meıirim Nursultanovtyń (12-0, 8KO) rıngke oralar ýaqyty belgili boldy, dep habarlaıdy QazAqparat tilshisi.

«Qazaqstan kásipqoı boksy» VKontakte paraqshasynan habarlanǵandaı, otandyq faıter 2 qarashada Las-Vegastaǵy MGM Grand boks keshinde óner kórsetedi. Ondaǵy basty jekpe-jekte meksıkalyq Saýl «Kanelo» Alvares (52-1-2, 35KO) pen reseılik Sergeı Kovalev (34-3-1, 29KO) kezdesedi. Meıirim Nursultanovtyń qarsylasynyń kim ekeni ázirge belgisiz.

Eske sala ketsek, Meıirim Nursultanov buǵan deıin sońǵy ret Reseıdiń Chelıabi qalasynda WBO belbeýine talasqan boksshylar Sergeı Kovalev – Entonı ıArd aıqasynyń anderkartynda óner kórsetken bolatyn. Meıirim Nursultanov ol kezde reseılik Artýr Osıpovpen (15-1, 10 KO) kezdesý ótkizip, 10 raýndqa shaqtalǵan orta salmaqtaǵy aıqas Meıirimniń jeńisimen aıaqtaldy. Ádilqazy biraýyzdan osylaı dep sheshti.

Aıta keteıik, Meıirim Nursultanov pen Sergeı Kovalev búginde «Main Events» promoýterlik kompanııasynda judyryqtasyp júr.