«Meıirim kerýeni»: QHA 5 jylda aýyr naýqas balalarǵa 45 mln teńge baǵyttady

ALMATY. QazAqparat - Almatyda QHA keńesiniń keńeıtilgen otyrys ótti. Jıynǵa QHA hatshylyǵynyń meńgerýshisi Eraly Toǵjanov, keńes músheleri, etnomádenı uıymdardyń ókilderi qatysty.

Otyrys barysynda QHA 24-sessııasy barysynda Memleket basshysynyń bergen tapsyrmalaryn oryndaý barysy, «Meıirim kerýeni» týraly aıtyldy.

Ótken jyly bastalǵan «Meıirim kerýeni» QHA jumysynyń nátıjesi deýge bolady. Qazaqstan boıynsha 1000 qaıyrymdy adamnyń basyn bir qoǵamǵa biriktirdik. Máselen, QHA 5 jyl ishinde aýyr naýqasqa shaldyqqan balalardy emdeýge 45 mln teńge aýdardy. Jaqynda úshkúndik marafon ótkizdik. Odan jınalǵan qarjy da ana men bala úıindegi balalarǵa jumsalatyn boldy», - dedi E.Toǵjanov.