Meı Brexit-ten keıin EO azamattary quqyqtaryn qamtamasyz etýge ýáde berdi
ASTANA. QazAqparat - Ulybrıtanııada turatyn EO azamattary Brexit-ten keıin brıtandyqtarmen teń quqyly bolýy kerek dedi,Tereza Meı Brıýsselde ótken EO sammıtinde, dep habarlaıdy Rosbalt.
«Eshkimniń quqyǵy shektelmeıdi», - dedi Ulybrıtanııanyń premer-mınıstri Tereza Meı. Ulybrıtanııada bes jyl ómir súrgen EO azamattaryna densaýlyq saqtaý, bilim alý, járdemaqy jáne zeınetaqy alýda brıtandyqtarmen teń dárejeli quqyq beriledi. Germanııanyń kantsleri Angela Markel Meıdiń osy sózin «jaqsy bastamaǵa» balady, dep jazdy Reuters agenttigi.
«Tereza Meı bizge Ulybrıtanııada bes jyl ómir súrgen EO azamattarynyń quqyqtary tolyqtaı saqtalatyndyǵyn aıtty. Bul jaqsy bastama», - dedi Markel jýrnalısterge EO sammıti barysynda.
Bul rette Angela Markel Brexit-ke qatysty «kúrdeli máselelerdiń áli dep kóp» ekendigin, onyń ishinde Irlandııaǵa qatysty qarjylyq máselelerdiń baryn tilge tıek etti. «Sol sebepti kelesi qazan aıynda ótetin EO sammıtine deıin kóp máseleni sheshýimiz kerek», - dedi Markel.
