Mettıý Makklın: «Golovkınniń soqqysy qabyrǵany syndyrady!»
ASTANA. QazAqparat - Brıtandyq orta salmaqtaǵy boksshy Mettıý Makklınniń aıtýynsha, onyń burynǵy qarsylasy Gennadıı Golovkınniń soqqysynyń aýyrlyǵy sondaı, qabyrǵany syndyryp jiberedi, dep jazady sports.kz.
«Golovkın qatty urady. Sondaı-aq ol soqqysyn dál túsiredi. Onyń soqqylaryna 12 raýnd boıy shydaý múmkin emes. Men onymen judyryqtasqan kezde maǵan aýa jetpeı qaldy, al ol bolsa údete tústi. Maǵan buǵan deıin eshkim bundaı aýyr soqqy jasamaǵan edi. Golovkınniń soqqylary meniń qabyrǵalarymdy syndyryp jiberdi», - deıdi Makklın.
Eske sala keteıik, WBA (Super) jáne IBO nusqalary boıynsha chempıon Gennadıı Golovkın men WBC-tyń ýaqytsha chempıony Marko Antonıo Rýbıo arasyndaǵy kezdesýdi HBO men KazSport telearnalary tikeleı efırde kórsetedi. Translıatsııa 19 qazanda Astana ýaqyty boıynsha saǵat 7-ler shamasynda bastalady.
