Metropolıten-murajaıyna kelýshi Pıkassonyń týyndysyn zaqymdady
ASTANA. Qańtardyń 25-i. QazAqparat - Nıý-Iorktegi Metropolıten-murajaıynda tótenshe oqıǵa oryn aldy. Murajaıǵa kelýshi Pablo Pıkassonyń týyndysy zaqymdady,
dep habarlaıdy «Azattyq» radıosy. Kórermen áıel týyndyny abaısyzda zaqymdap alýynyń saldarynan, murajaı sýretshiniń «Akter» kartınasyn restavratsııaǵa berýge májbúr bolyp otyr.
Teńselip baryp, baıqaýsyzda qoly kartınaǵa tıip ketken áıel, onyń betinde tiginen 15 santımetrdeı jyryq qaldyrdy.
Kórme kýratorynyń aıtýynsha, sýrettiń orta bóligi zaqymdanbaǵan. Murajaıdyń kollektsııasynda Pıkassonyń 250 kartınasy bar kórinedi.
