Metrologııadaǵy revolıýtsııa: Keliniń burynǵy ólshemin jańa formýla almastyrady
ASTANA. QazAqparat - Kelesi jyly mamyrda jerdegi barlyq adamdar eski keli ólshemimen qoshtasady. Alaıda ony baıqamaıdy. Ǵalymdar salmaq birligin ólsheıtin jańa anyqtamany qabyldady, dep habarlaıdy euronews.com.
Keli búgingi kúnge deıin adamdar jasaǵan etalon úlgi arqyly anyqtalatyn jalǵyz fızıkalyq ólshem bolyp kelgen edi. Salmaq ólshemi qazirgi jetilgen ǵylymnyń qajettiligi úshin tıimsiz bolyp otyr.
«Kádimge tarazynyń qurylymynda erteń de, bir jyldan soń da eshteńe ózgermeıdi. Biz bolashaqtaǵy júıeniń turaqtylyǵyna kepildik berdik, bul 140 jyl boıy saqtalǵan ólshemge qatysy joq», - dedi Halyqaralyq ólshemder men salmaqtar bıýrosynyń dırektory Martın Mılton (Parıj).
Ólshemder men salmaqtar bıýrosy kılogram etalony bolǵan girdiń ornyna kvanttyq fızıkadaǵy shamanyń qatysýymen jańa formýlany engizedi. Qysqasha aıtqanda, keliniń ornyn basatyn ólshem ony jyljytatyn qajetti energııany ólsheıtin bolady. Ol úshin kúrdeli qurylym men joǵary naqtylyqqa ıe qurylǵy qajet. Biraq, turmystyq qajettilikte birneshe ondaǵan mıkrokeli - gramnyń mıllıondaǵan bólsheginiń asa bir mańyzy joq, ári baıqalmaıdy. Sondyqtan eski tarazyny laqtyrýdyń qajeti joq.
