Metrodan akýla tabyldy
ASTANA. 8 tamyz. QazAqparat - Nıý-Iork metrosynda jolaýshylardyń biri vagon ishinen óli akýla taýyp aldy.
Bul jaıynda NYPost habarlaıdy.
Sý jyrtqyshyn tapqan jıyrma jasar Brendon Sanches esimdi bozbala. Ol dostarymen metromen kele jatqan sátinde jaǵymsyz ıisti sezgendigin aıtady. "Tipti, Nıý-Iorkten buryn-sońdy mundaı sasyq ıisti sezgen emespin" deıdi Sanches tańdanysyn jasyra almaı.
Uzyndyǵy 1 metr bolatyn akýla vagon ishindegi oryndyq astynda jatqan. Keıinirek belgili bolǵany, jolaýshylardyń biri ony dúkennen satyp alyp, jurtty qorqytý úshin tastap ketipti. Metro basshylyǵy buryn-sońdy mundaı jaıttyń bolmaǵandyǵyn aıtýda, dep jazady Baq kz.
