Metrodaǵy qandy oqıǵa kópshilikti kúızeltti
ASTANA. 26 qarasha. QazAqparat - Máskeýdegi jer asty jolynda baqylaý kamerasyna jazylyp qalǵan bul qylmys Facebook áleýmettik jelisin paıdalanýshylardyń jaǵasyn ustatty.
Qandy oqıǵa qalyń jurtshylyqtyń talqysyna túsip, qyzý pikirtalasqa túrtki boldy. Qylmyskerge daǵystandyqtyń qońyrqaı júzi unamasa kerek, qoınyna jasyrǵan tapanshasyn onyń betine kezep, atyp salǵan.
«Myna sumdyq janymdy túrshiktirdi»,- dep jazypty Reseıdegi qalyńdyǵyna barmaqshy bolǵan blogerlerdiń biri.
«Jolaýshylardyń kózinshe metroda mundaı sumdyqtyń qalaı oryn alǵanyna tańym bar»,- dep jazypty mysyrlyq azamat. Bul týraly muslim.kz habarlady.
