Metroda jarylys saldarynan zardap shekkender sany artty
ASTANA. QazAqparat - Sankt-Peterbýrgte metrodaǵy jarylystan keıin aýrýhanaǵa 51 adam jetkizildi. Zardap shekkenderdiń tizimi THM Sankt-Peterbýrg boıynsha MM saıtynda jarııalandy.
Vedomstvo qalanyń densaýlyq saqtaý komıtetiniń derekterin keltiredi. Tizimde berilgen aqparat 4 sáýirde máskeý ýaqyty boıynsha 03.00-degi sátte ózekti boldy.
3 sáýirde Sankt-Peterbýrgte metronyń «Tehnologııalyq ınstıtýt» jáne «Sennaıa ploşad» stansalary arasyndaǵy ótkelde poıyz vagonynda jarylys boldy. Artynsha Ulttyq lańkestikke qarsy komıtet jarylǵysh qurylǵyny kelesi - «Ploşad Vosstanııa» stansasynda zalalsyzdandyrǵanyn habarlady. Jarylys kezinde 11 adam ajal qushty.
