Metroda náreste jatqan besik arba relske qulady
ASTANA. QazAqparat - Ekaterınbor metrosyndaǵy stansalardyń birinde relske náreste jatqan besik arba qulady.
Balanyń anasy bul kezde perronda turǵan kórinedi. Beıne baqylaý kameralaryndaǵy taspa qaralǵannan keıin, bul oqıǵaǵa osy áıeldiń ózi kináli ekendigi anyqtaldy.
Beıne jazbany kórý kezinde balanyń anasy besik arbany bar kúshimen ıterip jiberedi. Arba platformamen syrǵı otyryp, relske qulap búıirimen aýdarylǵan. Eki aılyq bala sonyń ishinde qalady. Abyroı bolǵanda metrodaǵy ony kórgender sábıdi dereý kóterip, joǵary qaraı shyǵardy.
Osy oqıǵaǵa baılanysty relster elektr qýatynan ajyratyldy. Zardap shekken náreste men onyń anasy aýrýhanaǵa jetkizildi.
Áıeldiń sózine qaraǵanda, ol osynyń aldynda ǵana poıyz vagonynda renjisip qalǵan kúıeýin toqtatpaq bolyp, besik arbany ıterip jibergen.
Qazirgi kezde atalǵan fakti boıynsha barlyq materıaldar polıtsııa bólimine tapsyryldy, dep habarlady reseılik BAQ.
