Metroda áıel óz sómkesin jep qoıdy - VIDEO
ASTANA. QazAqparat - Nıý-Iork qalasynyń metrosynda áıel adam óziniń sómkesin jep qoıdy. Keıin sómkeniń shokoladtan jasalǵany belgili boldy, dep habarlaıdy segodnya.ua.
Sán úlgilerin kórsetýshi qyz (model) metroǵa otyryp, jolaýshylardyń kózinshe óziniń sómkesin jeı bastaǵan. Qasyndaǵy jolserikter bastapqyda qyzdyń bul «qylyǵyna» mán bermeı otyrǵanymen, onyń tábetinen qoryqty ma, keıin qashqaqtaı bastaıdy. Osy sátte model qasyndaǵy jigitke sómkesinen dám tatýǵa usynys jasaıdy. Sol kezde sómkeniń shokoladtan jasalǵany belgili boldy. Bir qyzyǵy, álgi áıeldiń sómke jep otyrǵany beınekameraǵa túsirilip, áleýmettik jelilerge salynǵan.
Atalmysh vıdeo aspazdyq kýrsynyń jarnamasy bolyp shyqty. Alaıda, mamandar jarnamaǵa qanshalyqty kreatıvti qaraǵanymen, ol YouTube jelisiniń kórermenderiniń arasynda asa tanymal bola almady. Sebebi, úsh táýlik ishinde atalǵan jarnama nebári 38 myń ret qana tamashalanǵan eken.
