Metro qurylysy salasynda bizdiń áriptesterimizben bóliser tájirıbemiz jetkilikti - Murat Ókshebaev
ALMATY. 9 maýsym. QazAqparat /Erlik Erjanuly/ - Almaty metro qurylysynda qazirgi tańda eń ozyq tehnologııalar qoldanylýda. Bul búgin Almatyda ótip jatqan «Metro» qaýymdastyǵynyń halyqaralyq konferentsııasynda aıtyldy.
«Búgingi shara Halyqaralyq «Metro» qaýymdastyǵynyń kezekti konferentsııasy. Ony byltyr Máskeýdegi konferentsııada keliskenbiz. Onyń eki jaǵdaıy bar. Birinshi, ózimizdiń istep jatqan jumysymyzdy kórsetip, áriptesterdiń oǵan qatysty usynys-pikirlerin tyńdaý. Ekinshi, ózimizdiń jasaǵan tehnologııalarmyzdy da kórsetý. Óıtkeni qazirgi tańda Almaty metrosynyń tehnıkalyq deńgeıi ózge metrolardan áldeqaıda joǵary bolyp otyr», - deıdi «Metropolıten» memlekettik kommýnaldyq kásipornynyń dırektory Murat Ókshebaev.
Onyń aıtýynsha, Almaty metrosynda qaýipsizdik talaptary tolyq saqtalǵan. Lańkestikke qarsy sharalarda da quzyrly organdardyń talap-tilekteri tolyq eskerilýde. Qazir bul baǵytta naqty tujyrymdama jasalyp jatyr.
