Metro basshylyǵy Abaı-Momyshuly qıylysy nege ashylmaǵanyn túsindirdi
ALMATY. QazAqparat – Almatyda «Metropolıten» MKK basshylyǵy Abaı-Momyshuly kóshesin ýáde etilgen merzimde nege ashpaǵanyn túsindirdi, dep habarlaıdy QazAqparat tilshisi.
«Baýyrjan Momyshuly men Abaı kósheleriniń qıylysyndaǵy ınjenerlik jelilerdiń tozýyna baılanysty «Almaty sý» MKK sý jelisin tóseý qajettiligin jetkizdi. Sondyqtan jóndeý jumystary 13 qyrkúıekke deıin sozylatyn boldy», - dedi «Metropolıten» MKK basshylyǵy.
Aıta ketý kerek, Máskeý stansasynan Dostyq stansasyna deıin metro nysandarynyń qurylysy bastalýyna baılanysty 12 shildede Abaı kóshesinen Baýyrjan Momyshuly kóshesiniń shyǵysyna qaraı jol qozǵalysy jabylǵan bolatyn. Metropolıten basshylyǵy bolsa, jóndeý jumystaryn 31 tamyzda aıaqtap, joldy ashamyz dep sendirgen edi.
