Meteorologtar taýly aımaqtarda abaı bolýǵa shaqyrady
ALMATY. 7 qańtar. QazAqparat /Názıra Eleýhan/ - Aldaǵy tórt kúnde Qazaqstannyń taýly aýdandarynda qar kóshkini bolmaıdy. Degenmen, meteorologtar taýly aımaqtarda abaı bolýǵa shaqyrady jáne kóshkinniń bolmaýy úshin qarly taý betkeılerine shyqpaýdy eskertedi.
Almaty qalasynyń Gıdrometeorologııalyq monıtorıng ortalyǵynyń málimetinshe, ótken kúnderde taýly aýdandarda qar kóshkini baıqalmaǵan. Taýly aımaqtarda aıaz saqtalyp, Jetisý Alataýynda 21-37°, Іle Alataýynda - 14-19°, al Talas Alataýynda -18° gradýs sýyq bolǵan. Qatty jel men boran baıqalmaǵan. Qar kóshkini bolýy jaǵdaıy baıqalmaıdy.
Al, Almaty oblysynda 8 qańtarǵa deıin aıaz saqtalady. Túnde aýanyń temperatýrasy 30 gradýsqa deıin tómendeýi múmkin.
Búgin Almatyda - aýa-raıy qubylmaly. Qar jaýmaıdy. Jeldiń jyldamdyǵy 0-5 m/s. Túnde aýanyń temperatýrasy 19-21, kúndiz 10-12 gradýs aıaz bolady. Mamandardyń aıtýynsha, mundaı aýa raıy qala atmosferasynda lastaýshy zattardyń jınaqtalýyna áser etedi.
