Meteorologtar: Almatyda aýa raıy kúrt sýytady
ALMATY. QazAqparat - Almatyda aldaǵy kúnderi qar jaýyp, 13 gradýsqa deıin aıaz bolady, dep habarlaıdy QazAqparat tilshisi.
Sınoptıkterdiń boljamy boıynsha, Qara teńiz aımaqtarynan úlken antıtsıklon keledi. Elimizdiń shyǵysynda jáne ońtústik-shyǵysynda 17 aqpanda antıtsıklonnyń aýysýyna baılanysty qar jaýyn-shashyny toqtap, aýa temperatýrasynyń tómendeýi kútiledi.
«16 aqpanda Almatyda kún bultty bolady, keıde qar jaýyp, tuman túsedi, kóktaıǵaq bolady. Jel 0-5 m/s. Aýa temperatýrasy túnde -6 -8, kúndiz -4 -6 aıaz bolady. 17 aqpanda kún bultty, jaýyn-shashynsyz. Keıde tuman, kóktaıǵaq. Jel 0-5 m/s. Aýa temperatýrasy túnde -11-13, kúndiz -5-7 aıaz bolady. 18 aqpanda kún kóshpeli bultty, jaýyn-shashynsyz. Jel 0-5 m/s. Aýa temperatýrasy túnde -11-13, kúndiz -2-4 aıaz bolady», - dep habarlady Almaty qalasy boıynsha «Qazgıdromet» RMK-de. Sondaı-aq, aldyn ala boljamǵa sáıkes arǵy kúnderi Almatyda jaýyn-shashyn bolmaıdy. 21 aqpan, dúısenbiden bastap aýa temperatýrasy birtindep kóteriledi dep kútilýde.
Aıta keteıik, búgin Almatyda túni boıy qar jaýdy. Osylaısha shaharda qardyń qalyńdyǵy 15-18 sm, al taý bókterinde 30 sm jetti.
Al Almaty oblysynda aýa raıynyń qolaısyzdyǵyna baılanysty birneshe baǵyttaǵy joldar jabyldy.
