Meteorologtar 2016 jyly álemde rekordtyq jylý bolǵanyn málimdedi
ASTANA. QazAqparat - Aǵymdaǵy jyldyń alǵashqy 11 aıy aýa raıy men klımatty baqylaý tarıhyndaǵy eń jyly ýaqyt boldy. Jeltoqsan aıy da ózgerissiz qalsa, 2016 jyl eń joǵary temperatýradan rekord ornatady.
Bul týraly 20 jeltoqsanda Búkilálemdik meteorologııalyq uıymynyń (BMU) Jenevadaǵy shtab páteri habarlady. Olar 2017 jyldyń basynda 12 aıdyń qorytyndysyn jarııalaýǵa ýáde berip otyr.
Jerdegi termometr baǵanalary qańtar-qarasha aılarynda HH ǵasyrmen salystyrǵanda orta kórsetkishten 0,94 gradýs Tselsııaǵa ósken jáne 2015 jyldaǵy rekordtyq kórsetkishten 0,07 gradýsqa kóterildi. Sarapshylardyń pikirinshe, jyly qarasha aıy «1880 jyldan bergi baqylaý kórsetkishindegi eń jyly jyl bolady» degen burynǵy boljamdy dáleldedi.
Aıta ketken jón, Arktıkada da bıylǵy jyly asa ózgeshe boldy: ondaǵy temperatýra Jermen salystyrǵanda eki ese jyldam kóterilýde.
