Meteorologııalyq boljam: Qytaıda osy aıda taıfýndar ótken jyldardaǵydan kóp bolady
ASTANA. KAZINFORM – Qytaıda shilde aıynda el aýmaǵyna nemese jaǵalaýdaǵy óńirlerge jetetin taıfýndar sany ótken jyldarmen salystyrǵanda kóp bolady dep kútilip otyr. Mundaı boljamdy Ulttyq klımat ortalyǵy jarııalady, dep habarlaıdy Sınhýa.
Mamandardyń boljamynsha, shilde aıynda Tynyq muhıtynyń soltústik-batys bóliginde jáne Ońtústik Qytaı teńizinde tórtten altyǵa deıin taıfýn qalyptasady. Onyń ekeýi nemese úsheýi Qytaıdyń jaǵalaýyna jetýi ne sol óńirlerge áser etýi múmkin. Bul shilde aıyndaǵy burynǵy ortasha kórsetkishten (1,8 taıfýn) edáýir joǵary.
Bul týraly Ulttyq klımat ortalyǵy basshysynyń orynbasary ıÝan Tszıashýan málimdedi. Onyń aıtýynsha, qýatty taıfýndardyń soltústikke qaraı jyljyp, Soltústik Qytaıǵa deıin jetý qaýpi de bar.
Sarapshy jaýapty mekemelerge taıfýndardan bolatyn nóser jańbyr, sý tasqyny, qatty jel jáne daýyldy tolqyndarǵa baılanysty tótenshe jaǵdaılardyń aldyn alý jáne olardyń saldaryn joıý jónindegi josparlardy aldyn ala ázirleýge keńes berdi.
Bıyl Qytaıǵa alǵash jetken taıfýn – «Maısak». Ol Haınan provıntsııasynyń jaǵalaýyna shyqqannan keıin eldiń ońtústigindegi jaǵalaý aımaqtaryna ekpindi jel men nóser jańbyr ákeldi.
Atap aıtqanda, Gýansı-Chjýan avtonomııalyq aýdanynda tolassyz jaýyn jaýyp jatyr. Keıbir jerlerde bir táýlikte jaýǵan jaýyn-shashyn mólsheri 700 mıllımetrden asqan.
Ulttyq meteorologııalyq ortalyqtyń málimetinshe, qazirgi ýaqytta «Maısak» tropıkalyq depressııa deńgeıine deıin álsiregenimen, soltústikke qaraı qozǵalysyn jalǵastyryp, eldiń ońtústik jaǵalaýynan ıAntszy ózeniniń orta jáne tómengi aǵysyna deıingi, sondaı-aq Hýanhýaı óńirindegi keń aýmaqtarǵa uzaqqa sozylatyn nóser jańbyr ákelip jatyr.
Ulttyq meteorologııalyq ortalyqtyń boljamynsha, 2 shildede qalyptasqan «Bavı» sýpertaıfýny «Maısaktan» keıin Qytaıdyń shyǵys jaǵalaýyna jetýi yqtımal. Mamandardyń aıtýynsha, 9 shildeden bastap «Bavı» Shyǵys Qytaıǵa qatty jel men nóser jańbyr alyp keledi.
Ortalyq sondaı-aq «Bavıdiń» eldiń ishki óńirlerine qaraı jyljýy múmkin ekenin eskertti. Sonyń saldarynan ıAntszy ózeniniń orta jáne tómengi aǵysynda, Soltústik Qytaıda jáne Hýanhýaı óńirinde de mol jaýyn-shashyn túsýi yqtımal.
Buǵan deıin Qytaıda tasqyn men daýyldan 10 adam qaza taýyp, ondaǵan myń turǵyn zardap shekkeni habarlandy.
