Meteorıttiń bólshekteri Qazaqstan aýmaǵynda anyqtalmady - QR TJM
ASTANA. 19 aqpan. QazAqparat - Qazaqstan aýmaǵynda meteorıttiń qaldyqtary tabylǵan joq. Bul týraly búgin Úkimet otyrysynan keıin QR Tótenshe jaǵdaılar mınıstri Vladımır Bojko aıtty.
Mınıstrdiń aıtýynsha, meteorıt Aqtóbe, Qostanaı oblystarynyń ústinen ushyp ótti. Osy oraıda mınıstrlik dereý tıisti is-qımyldar jasaǵan eken.
Bul turǵyda V. Bojko meteorıttiń bólshekteri Aqtóbe oblysy aýmaǵyna tústi degen aqparat bolǵanyn jetkizdi. «Komıssııany birqatar aýdandarǵa jetkizdik, alaıda meteorıttiń izderi anyqtalǵan joq», - dep túıdi mınıstr.
