Metapnevmovırýsty emdeýge qajetti dári-dármek jetkilikti - SQ-Farmatsııa

ASTANA. KAZINFORM — Búgin QR Densaýlyq saqtaý mınıstrligi el aýmaǵynda metapnevmovırýstyq ınfektsııa jaǵdaılary anyqtalǵanyn habarlady.

Derekke qaraǵanda, bul – ondaǵan jyldar boıy álemde taralǵan belgili vırýs. Aǵymdaǵy epıdemııalyq maýsymda bizdiń elimizde onyń úlesine tumaýsyz vırýstarǵa barlyq oń synamalardyń 1,6%-y tıesili, muny sanıtarlyq-epıdemıologııalyq baqylaý komıteti rastaǵan.

Al SQ-Farmatsııa qoımalarda joǵarǵy jáne tómengi tynys joldarynyń ınfektsııasyn emdeýge arnalǵan preparattardyń qajetti qory bar ekenin habarlady.

- Mysaly, antıpıretıkalyq preparattar, keń spektrli bakterııaǵa qarsy preparattar, aralas bakterııaǵa qarsy agentter, selektıvti agonıster tobynan bronhodılatatorlar jáne basqalar. Aımaqtyq medıtsınalyq mekemeler jeke qorǵanys quraldarymen (maskalar, antıseptıkter) qamtamasyz etilgen.

Naýqastar sany artqan jáne medıtsınalyq ınfraqurylymǵa júkteme ósken jaǵdaıda Biryńǵaı dıstrıbıýtor óńirlerdiń suranystaryna jedel den qoıýǵa daıyn, - dep jazdy vedomstvodan.

SQ-Farmatsııa QR Densaýlyq saqtaý mınıstrligimen birlesip epıdemıologııalyq jaǵdaıdy baqylaýdy jalǵastyrýda jáne azamattardyń densaýlyǵyn qorǵaý úshin medıtsınalyq quraldarmen úzdiksiz jabdyqtaýdy qamtamasyz etýge ázir.

Aıta keteıik, búgin SQO-da tórt adamnan metapnevmovırýs anyqtaldy.