Metapnevmovırýsqa qarsy vaktsına bar ma – maman jaýaby

ALMATY. KAZINFORM – Almaty qalalyq sanıtarlyq-epıdemıologııalyq baqylaý departamenti basshysynyń orynbasary Ásel Qalyqova Kazinform tilshisine metapnevmovırýs jáne onyń negizgi belgileri týraly aıtyp berdi.

– Osy epıdemıologııalyq maýsymda Almatyda metapnevmovırýs tirkelgen joq. Vırýstyq ınfektsııa shtammdarynyń aınalymyna epıdemıologııalyq qadaǵalaý qaladaǵy medıtsınalyq uıymdarmen jáne aýrýhanalarmen birlesip júrgiziledi. Patsıentterden alynǵan barlyq synama Ulttyq saraptama ortalyǵyna jetkiziledi, onda synaqtar tolyq zertteledi, – dedi Qalyqova.

Aıtýynsha, metapnevmovırýs – 60 jyl buryn alǵash ret anyqtalǵan jedel respıratorlyq vırýstyq ınfektsııa. Ony adamnyń metapnevmovırýsy dep te ataıdy. Qozdyrǵysh – quramynda rıbonýkleın qyshqyly (RNQ) bar vırýs.

Sondaı-aq ol adamdardyń bári metapnevmovırýsqa beıim ekenin jetkizdi. Deni saý, ımmýnıteti túzý adamdarda metapnevmovırýs ortasha jáne jeńil túrde ótedi.

– Bólip aıtatyn bolsaq, 5 jasqa deıingi balalar, egde adamdar men sozylmaly aýrýy bar naýqastar ınfektsııany tez juqtyryp alýy múmkin,– dedi ol.

Epıdemıolog metapnevmovırýs balalar úshin qaýipti degen qaýesetti joqqa shyǵardy.

– Kez kelgen vırýstyq ınfektsııa sııaqty asqynýlar aýyr bolýy múmkin. Bul pnevmonııa, bronhıt, otıt. Metapnevmovırýsqa tán erekshe belgileri joq, – dep qosty Qalyqova.

Aýrýdyń alǵashqy belgileri jótel paıda bolady, tamaqtyń aýrady, temperatýranyń kóterilip, muryn bitelip, sý aǵady. Keıde aýrý sımptomsyz bolýy múmkin.

– Qazir metapnevmovırýsqa qarsy arnaıy vaktsına joq. Degenmen, tumaýǵa qarsy vaktsınatsııa respıratorlyq ınfektsııalardyń jalpy jıiligin azaıtýǵa kómektesedi,– dep atap ótti epıdemıolog.

Aıta keteıik, elimizde metapnevmovırýsy taralyp jatyr.

Densaýlyq saqtaý mınıstrligi qoǵamdyq densaýlyq saqtaý ulttyq ortalyǵynyń basqarma tóraǵasy Aıjan Esmaǵambetova Qazaqstanda karantın jarııalanýy múmkin be, degen saýalǵa jaýap berdi.