Metan máselesi: Qazaqstan men GCF ortaq platforma qurýdy talqylady
ASTANA. KAZINFORM — Búgin metan shyǵaryndylaryn azaıtýǵa arnalǵan kópjaqty platforma qurý máseleleri boıynsha Jasyl klımattyq qor (GCF) ókilderimen kezdesý ótti. Bul týraly Energetıka mınıstrligi málim etti.
23 mamyrda Qazaqstan Respýblıkasynyń Energetıka mınıstrligi, Ekologııa jáne tabıǵı resýrstar mınıstrligi men Jasyl klımattyq qor (Green Climate Fund, GCF) ókilderiniń kezdesýi ótti.
— Kezdesý barysynda metan shyǵaryndylaryn azaıtý jónindegi kúsh-jigerdi úılestirýge baǵyttalǵan, Ekonomıkalyq yntymaqtastyq jáne damý uıymynyń (EYDU) qatysýymen júzege asyrylatyn kópjaqty platformany qurý bastamasyn odan ári iske asyrý máseleleri talqylandy. Bul bastama ásiresemunaı-gaz jáne kómir ónerkásibi salalaryndaǵy metan shyǵaryndylaryna qatysty boldy, — delingen habarlamada.
Kezdesý barysynda QR Energetıka vıtse-mınıstri Baqytjan Ilıas, QR Ekologııa jáne tabıǵı resýrstar mınıstrliginiń jáne GCF-tiń ókilderi GCF-tiń Daıyndyq baǵdarlamasy aıasynda jobalyq usynysty ázirleý boıynsha ózara is-qımyldyń negizgi baǵyttaryn talqylady.
Eske sala keteıik, buǵan deıin Qazaqstan metan shyǵaryndylaryn azaıtý boıynsha jumysty kúsheıtýge nıetti ekenin jazǵan edik.