Metallýrgter kúninde Temirtaýda «Lıýbe» toby óner kórsetedi
ASTANA. QazAqparat - Bıyl Temirtaýda Metallýrgter kúnine oraı aýqymdy merekelik sharalar ótkeli jatyr. Merekelik kesh reseılik «Lıýbe» tobynyń kontsertimen aıaqtalady, dep habarlaıdy oblystyq ákimdiktiń baspasóz qyzmeti.
Bul kúni saǵat 19:30-da stadıon aldyndaǵy alańda Lıtvınskıı balalar úıine kómek retinde qaıyrymdylyq sharasy bastalady. Qarjy jınaý úshin arnaıy jáshikter ornatylmaq. Barlyq qaıyrymdylyq sharasyna qatysýshylar lotereıa bıletine ıe bolyp, syılyqtar utysyna qatysa alady. Sondaı-aq, merekelik baǵdarlamada «Tiri sýretter» - «Metallýrgter» atty kórme uıymdastyrylady.
Saǵat 20.00-de metallýrgter sherýi ótedi, sodan keıin saltanatty shara bastalady. Aldymen shyǵarmashylyq ujymdar óner kórsetip, keıin ákimdik ókilderi men «ArcelorMittal Temırtaý» kompanııasynyń jetekshileri metallýrgterdi merelerimen quttyqtaıdy. Osydan keıin sahnaǵa «Lıýbe» toby shyǵady. Kontsert sońynda merekelik otshashý bolady.
