Metallýrgııa salasy tsıfrlandyrylyp jatyr
ASTANA. KAZINFORM — Eldegi óńdeý ónerkásibi qarqyndy túrde tsıfrlandyrylyp jatyr. Óndiristik protsesterdi avtomattandyrýǵa, derekterdi taldaýǵa jáne modeldeýge arnalǵan sheshimderdi paıdalaný aýqymy keńeıip keledi.
Tsıfrlyq quraldardy (óndiristi avtomattandyrýǵa arnalǵan CRM, MES, ERP, CAD jáne t. b.) qoldanatyn kásiporyndardyń úlesi 2022 jyly 12,9%-dan 2024 jyly 19,2%-ǵa deıin ósti. Bıylǵy jylǵy jospar — 23%.
Ónerkásiptik zattar ınternetin (IIoT) 2023 jyly 21 kásiporyn qoldansa, 2024 jyly bul san 72-ge jetti. Bul — óndiriste sensorlar, RFID belgileri men derekterdi avtomatty túrde jınaıtyn júıeler áldeqaıda jıi qoldanyla bastaǵanynyń dáleli.
Buǵan mysal retinde Jezqazǵandaǵy mys kenishin aıtýǵa bolady. «Jomart» shahtasy 80 paıyz tsıfrlandyrylǵan, ıaǵnı ár shahterge arnaıy chıp beriledi. Bul olardyń jer astyndaǵy qımyl-qozǵalysyn anyqtaý úshin qajet.
— Sala mamandary osy jyldyń sáýir aıynyn beri óz salamyzdaǵy tehnologııalardy transformatsııalaýdy bastadyq. Árıne birinshi kezekte tsıfrlandyrý baǵytyna kóp kóńil bólemiz, sebebi bul — zaman talaby. Júıeni tolyqqandy tsıfrlandyrý bizge kóp múmkindikke jol ashady. Bul birinshiden ýaqyt únemdeý úshin qajet. Ekinshiden ár jerdi qaza bermeı, sandyq formatta qaı jerde mys bar ekenin anyqtap, odan keıin iske kirisemiz. Osylaısha qazatyn jerdiń 3D modelin jasap shyǵaramyz. Al, keıin osy syzba boıynsha shahterler iske kirisedi, — deıdi kompanııa ókili.
Búginde iri derekterdi taldaý tehnologııalaryn qoldanatyn kásiporyndar sany 10-nan 18-ge deıin ósti. Ónerkásiptik robottardy qoldanatyn kásiporyndar sany úsh ese ósip, 17-den 48-ge jetti.
— Mınıstrlik tarapynan óńdeý ónerkásibiniń tsıfrlandyrýdy qoldaý úshin birqatar shara júzege asyrylyp jatyr. Solardyń biri — tehnologııalyq aýdıt. Onyń nátıjesinde kásiporyndar jaǵdaıdyń taldaýyn, usynymdar men tsıfrlandyrý jónindegi jol kartasyn alady. 2021 jyldan bastap 80-nen astam orta ónerkásiptik kásiporynǵa tsıfrlyq transformatsııa boıynsha usynymdar ázirlendi, — deıdi jaýapty vedomstvodan.
Aıta ketelik tsıfrlandyrýdyń arqasynda kóleńkeli ekonomıkadan 28 mlrd teńgeden astam qarjy qaıtaryldy.